[1]
3ряй на реку текущу, верх вод созерцает, а таин, во в глубине сущих, не видает: Подобно писание писменно читаяй внешняя токмо его есть муж разсуждаяй. Внутр(ен) них паки не видит, еже суть глубока, преходяща зрение неискусна ока. На сей глубине агнец смеренный плавает, а слон великий удоб потоплен бывает.
Воздержание аще безмерно храниши,
Множицею души ти вред велий твориши:
Плоти бо изнемогшей ум не добр бывает, —
Разсуждение в меру вся да устрояет.
Уне есть мерно по вся дни вкушати,
...
Корабль, на мори ветрами гонимый,
от рыбы малы бывает держимый,
юже «удержку» мощно нарицати,
яко есть силна корабль удержати.
И в мира мори суть рыбы такия,
...
Не сила капли камень пробивает,
но яко часто на того падает;
Тако читаяй часто научится,
аще и не остр умом си родится.
...
Что наипаче от правды далеко бывает,
гласу народа мудрый муж то причитает.
Яко что-либо народ обыче хвалити,
то конечно достойно есть хулимо быти.
...
Крест пречестный церкве слава,
На нем умре наша глава
Христос Господь, всех спаситель,
Кровию си искупитель.
Хотяй дело
...